Програма на патување:

Состанок на групата на паркингот кај спортската сала Борис Трајковски (кај пералните) во 13.30 часот. Поаѓање за Италија во 14.00 часот. Патувањето се одвива преку Србија, Хрватска и Словенија со попатни паузи за одмор и обавување на царински и гранични формалности.

Пристигнување во утринските часови во Италија. Заминување на  разлед и посета на Убавицата на морето – Венеција. Организиран трансфер со брод – вапорето (околу 20мин), пристигнување во Венеција и заминување на пешачки разглед низ градот на мостови и канали; Плоштадот и Црквата Св. Марко, Мостот на Воздишките, Дуждевата Палата, Мостот Риалто, Каналот Гранде… Слободно време за индивидуални прошетки и разгледи и уживање во убавата Венеција. Во договорено време со водичот заминување од Венеција. Пристигнување и сместување во хотел.  Ноќевање.

Појадок. Слободен ден за индивидуални прошетки или можност за факултативно крстарење по островите на Венецијанска лагуна, Мурано, Бурано и Торчело. Започнуваме со посетата на островот Мурано, далеку познат по вековната традиција во изработка на стакло, каде е всушност и фабриката за изработка на стакло, прошетка по островот, кратко слободно време, потоа продолжуваме кон Бурано, островот со најубавите шарени куќички и најдобрите рачни изработки од чипка. И за крај на оваа прекрасна прошетка, посета на Торчело, островот кој бил всушност првиот најстар и најгусто населен остров во овој дел на Италија, престолнина во која има бројни споменици врзани со богатата историја. Враќање во хотел. Слободна вечер за индивидуални активности и прошетки.  Ноќевање.

Појадок. Ден предвиден за целодневна факултативна посета на Фиренца, срцето на Италија и лулката на ренесансата. Организиран разглед со локален водич: реката Арно, Стариот Мост – Понте Векио,  плоштадот Сињори, Старата Палата – Палацо Векио, Дуомото – Санта Марија дел Фјоре, крстилницата Сан Џовани… Слободно време за индивидуални прошетки и разгледи. Во доцните попладневни часови во договорено време со водичот на групата враќање во хотел. Ноќевање.

Појадок. Напуштање на хотелот и заминување за Верона. Посета и разглед на градот на Ромео и Јулија, прошетката и запознавањето на Верона ја правиме релаксирано со придружникот на групата. Ќе поминеме покрај Арената и Плоштадот Бра, преку пешачката улица Виа Мацини ќе стигнеме до Плошдатод Ербе и  Куќата на Јулија… Слободно време за индивидуални прошетки, разгледи и ручек. Можност за шопинг во некои од продавничките со италијански брендови поставени на улицата Виа Мацини. Во попладневните часови во договор со водичот на групата, заминување за Македонија. Патувањето се одвива преку Словенија, Хрватска и Србија со кратки попатни паузи за одмор и обавување на царински и гранични формалности.

Очекувано пристигнување во Скопје во претпладневните часови.

– Превоз со високо туристички автобус на наведената релација

– Сместување во хотел со 3* во регионот Венето на база 3 ноќевања со појадок

– Организирана посети на градовите според  програмата

– Организација, реализација и лиценциран туристички придружник за време на патувањето

– Задолжително патничко и здравствено осигурување

– Организирана посета на Венеција со брод вапорето – 25€

– Факултативна екскурзија со брод по островите Мурано, Бурано и Торчело – 35€

– Факултативна посета на Фиренца со локален водич – 55€

– Доплата за туристичка такса (3€ по лице од ноќ)

– Влезници по културно – историските  знаменитости и индивидуални трошоци

– За реализација на аранжманот потребен е минимум од 40 патници.

– За патувањето е потребен валиден биометриски пасош, најмалку 3 месеци пред истек од датумот на враќање.

– За еднокреветна соба доплатата изнесува 60€ на цената на аранжманот.

– Трето возрасно лице на дополнителен кревет добива -10% попуст од цената на аранжманот.

– Дете 2-12год. во придружба на 2 возрасни на дополнителен кревет -10% попуст од цената на аранжманот.

– Минималниот број за реализација на факултативите е 30 патници.

– Организираторот го задржува правото за промена на цената на факултативите во случај на недоволен број на пријавени.

– Пријавувањето за факултативитите е во агенција при резервација, најдоцна до 15 дена пред поаѓање, а плаќањето на лице место во евра.

– Организаторот го задржува правото за промена на редоследот на активностите во програмата во случај на потреба.

– Уплатата се врши исклучиво во денарска противвредност по курс 1еур=62мкд.

w