Од 12 до 16:00 часот чекирање. Бродот испловува во 17:00 часот и започнува незаборавната авантура по Егејот од античкиот град на светлината – Атина. Вечера на брод. Ноќевање и ноќно крстарење кон Кушадаси.

Појадок. Пристигнување во Кушадаси во 08:00 часот. Ручек. Може да уживате во прекрасните песочни плажи на Кушадаси. Слободното време искористете го за прошетка по убавото крајбрежје, шопинг во големата чаршија и дегустација на локалните специјалитети. Можност за факултативна екскурзија – посета на Ефес или некои други. Враќање на бродот и вечера на брод. Ноќевање и крстарење во ноќните часови за Родос.

Пристигнување во Родос во 08:00. Појадок. Импресивниот пејзаж на Родос беспрекорно ги спојува драматичните антички локалитети со шармантните модерни ридски села. Тука ќе ја посетите величествената средновековна тврдина на Акрополот во Линдос, сместена на врвот на карпа над кристално чистото Егејско Море, и ќе ги истражите калдрмите во Стариот град со раскошна османлиска и италијанска архитектура. Ручек. Поаѓање во 18:00. Вечера на брод. Ноќевање и крстарење кон Крит (Агиос Николаос).

Пристигнување во Крит во 08:00. Појадок. Во Крит ќе имате можност да ги видите импозантните ѕидини од 16-ти век на тврдината Кулес. Слободно време за посета на малите критски села или палатата на Кносос. Можност за резервација на факултативни екскурзии. Ручек. Поаѓање во 18:00. Вечера на брод. Ноќевање и крстарење кон Санторини.

Пристигнување во Санторини во 08:00 часот. Појадок. Можете да се пријавите за неколку различни факултативни екскурзии на овој прекрасен вулкански остров, место кое нуди совршена глетка кон бројните традиционални бели куќи и цркви со небесно сини куполи. Во Санторини може да го искусите медитеранскиот начин на живот опуштајќи се во мирот и тишината на прекрасната островска оаза. Ручек и вечера на брод. Бродот испловува во 22:00 часот. Ноќевање и ноќно крстарење до Миконос.

Пристигнување во Миконос во 08:00 часот. Појадок. Организиран превоз до градот. Градот Миконос или Хора мами со својата убавина, космополитски дух и врвен ноќен живот. Познат како „Остров на ветровите”, препознатлив по своите бројни ветерници од 16-ти век. Живописниот остров е примамлив со своите песочни плажи, кристално чистата вода и културни историски споменици. Може да уживате во бројните музеи, кафулиња, барови или клубови. Вклучен ручек и вечера. Поаѓање во 02:00 часот по полноќ. Ноќевање и крстарење до Милос.

Пристигнување во Милос во 08:00 часот. Појадок. Вулканскиот пејзаж на островот Милос го прави најегзотичен остров на Егејското море со извонредни бои и мистика. Овде ќе уживате во најубавите плажи, кои вулканските карпи ги обоиле во црвена, розова и портокалова боја. Можност да дознаете многу повеќе ако искористите некоја од понудените екскурзии. Ручек и вечера на брод. Ноќевање и крстарење до Атина.

Пристигнување во Атина во 07:00 часот каде завршува ова преубаво крстарење. Појадок. Најфасцинантен град во светот, испреплетен со митови и легенди во срцето на античка Грција. Синоними на градот се Акрополис и Партенон. Овде може да посетите некои од локалните театри, историски локалитети или пак да се опуштите на прекрасната градска плажа. Багажот се остава пред Вашите кабини. По појадокот одјавување од бродот.