Популарни дестинации кои е пожелно да се избегнуваат во лето

Летото е несомнено периодот кога најмногу од луѓето патуваат, но повеќето популарни дестинации (особено градовите во Европа) тој период се премногу полни со туристи, а многу бизниси тогаш не се отворени бидејќи локалното население е исто така на одмор.

Еве кои дестинации разни туристички експерти препорачуваат да се избегнуваат во летниот период, како и кои да се посетат место нив:

1) Париз

Во лето во Париз цената на хотелскиот престој е највисока, а огромниот број на туристи создава бесконечни редови пред музеите. Подобар период за посета на главниот град на Франција се месеците март или октомври. Доколку, пак, сте желни да го видете стариот европски гламур, уметност и култура за време на летото, подобра дестинација е Виена.

2) Тајланд

Од мај/јуни па до октомври, времето во Тајланд може драстично да се менува – со секојдневни врнежи по неколку часа кои создаваат поплави (особено на островите Koh Phi Phi, Koh Tao и Phuket), така што подобар период за посета на оваа земја е од ноември до февруари. За посета во летниот период на овој регион, експертите ги препорачуваат Виетнам, Сингапур и Малезија.

3) Венеција и остатокот на Италија

Во Венеција летниот период изобилува со туристи, па скоро е невозможно да имате релаксирана прошетка низ градот без постојани турканици. Покрај тоа, секој 15 август по италијанскиот празник Ferragosto, многу фамилии и бизниси ги затвораат дуќаните и одат на одмор по планините и плажите, па така може да наидете на голем број затворени ресторани, дури и во големите градови како Рим. Температурите исто така знаат да се превисоки во летниот период, па затоа експертите препорачуваат Италија да се посетува во мај или октомври кога има многу помалку туристи, како и во зимскиот период – на пример во февруари, кога во Венеција се одржува познатиот карневал.

4) Амстердам

Амстердам е уште една популарна европска дестинација која е преполна со туристи во летниот период, па за заинтересираните за „холандското искуство“ тој период се препорачува посета на Ротердам.

5) Јужна, југоисточна и источна Азија



Доколку сакате да ги избегнете температурите кои често преминуваат над 38 °C проследени со влажност над 80%, дефинитивно не ги посетувајте земјите во овој регион за време на летото, туку тоа направете го во раната есен или доцна во пролетта.