Како да ги доживеете земјите во кои патувате од локална перспектива

Како да ги доживеете земјите во кои патувате од локална перспектива

Кога сте во подолга посета на некоја земја, пожелно е да ги избегнувате вообичаените туристички дестинации доколку целта ви е да ја доживеете од локална перспектива. Еве што се препорачува да сторите:

1) Истражувајте во малечки групи, парови или самите (доколку е безбедно)



Шетањето во поголеми групи привлекува и поголемо внимание, што понекогаш може да резултира и со различна услуга (често пати и поскапа). Како резултат на тоа што веднаш ќе бидете ставени во категоријата на туристи, кои патуваат со групи кои можеби нема долго да се задржат на една локацијата – правејќи ги полесен плен за мамење.

2) Јадете во непознати ресторани/кафеани.

За да го почувствувате вкусот на локалната кујна, избегнувајте ги големите и познати синџири на ресторани, и посетете ги малечките локални кои ќе ви бидат препорачани од локалното население.

3) Спријателете се со локалното население

Најдобриот начин вистински да запознаете некој град или село е да ви го покаже некој кој живее таму и кој ќе може да ви препорача добри и евтини места за јадење, забава, култура и сл.

4) Ако имате време, волонтирајте.

Волонтирањето во земјата која ја посетувате е одличен начин да се вклучите во нивното општество и да создадете конекции со луѓето.

5) Кога резервирате престој, одберете малечки маала

Најдобриот начин да го доживеете локалниот живот е да бидете дел од него. Помалечките реони привлекуваат помал број туристи, па така шансата местото да го доживеете какво што навистина е, а не „нашминкано“ за туристите, е поголема.